Վերջին շրջանում Թուրքիայում հաճախակի են դարձել ցեղասպանության վերաբերյալ գրքերի տպագրումը, քննարկումների կազմակերպումը, որոնցում շատ հաճախ տեղ են գտնում. «Թուրքան պետք է անցյալի հետ առերեսվի» արտահայտությունները:

Այս քննարկումները հատկապես ակտիվացան լուսահոգի Հրանտ Դինքի սպանությունից հետո: Եղան նաեւ համարձակ մտավորականներ, որոնք չկարողանալով այլեւս տանել տարիներ շարունակ իրենց ուսերին ծանրացող բեռը, պաշտոնապես ներողություն խնդրեցին հայերից:

«Beyazgazete» կայքի փոխանցմամբ, Թուրքական պատմական ընկերության նախագահ պռոֆեսոր Չիչեքը հայտարարել է, որ հայակակն հարցի վերաբերյալ Թուրքիան որեւէ պաշտոնական դիրքորոշում չունի.  «Երանի թե ունենար, այդ մասին բոլորը կիմանային»,- «Հայկական հարցի ներքին կողմը» գիտաժողովի  ընթացքում ասել է Քեմալ Չիչեքը, որը գիտաժողովի  վարողն էր հանդիսանում: Չիչեքը հստակ կերպով արտահայտել է այն տեսակետը, ըստ որի Թուրքիան չունի այսօր հստակ մոտեցում եւ պաշտոնական տեսակետ հայկական հարցի վերաբերյալ. «եթե նմնօրինակ դիրքորոշում լիներ այդ մասին կիմանային բոլորը, եւ անշուշտ կուսաուցանվեր նաեւ դպրոցներում»,-ասել է նա: