Վերջին շրջանում աշխարհի մի շարք լրատվամիջոցներ ակտիվորեն հետեւում են հայ-թուրքական հարաբերություններին, վերջիններիս վերաբերյալ տալով սեփական որակումներն ու վերլուծությունները: Սակայն, հատկապես առավել ուշադրությունը նկատելի է հայկական, ամերիկյան եւ թուրքական մամուլի կողմից: Ի՞նչ են գրում այսօր թուրքական թերթերը հայ-թուրքական հարաբերությունների վերաբերյալ:

«Cihan»  գործակալությունն անդրադառնալով Թուրքիայի նախագահ Աբդուլլահ Գյուլի հարցազրույցին մեջբերում է նրա խոսքերը. « Այս ամենը սխալմունք է, պատմությունը մեծ սխալ է գործում: Քաղաքականացված դեմքերը, ովքեր կապ չունեն պատմության հետ իրավունք չունեն կայացնելու պատմական վճիռ: Կովկասյան տարածաշրջանում իմ ցանկությունն է , որ տիրի խաղաղություն, կայունություն, եւ համագործակցություն: Ես կարող եմ ասել, որ միանշանակ դեմ եմ այն քաղաքականությունը, որը վերք է բացում խաղաղության եւ համագործակցության առջեւ»: «Cihan»-ի մեկ այլ հոդված, գրում է յոթանասունյոթամյա Չալումյան Ազգանուշ Ռուբենի վիրահատության մասին, որը տասը տարի առաջ տեղափոխվել եւ բնակություն է հաստատել Թուրքիայում, ապա ամուսնացել եւ ստացել  Ֆաթմա Օզգյուն անունը: Երկու ամիս առաջ ունեցել է սրտանոթային անբավարարություն եւ դիմել բժշկի: Թուրք բժիշկները կատարել են անվճար բուժօգնություն, եի հոգ են տարել կնոջ մասին: Կնոջ «երախտապարտ» խոսքերը մեջբերված են հետեւյալ կերպ.« Անցյալի բոլոր էջերը պետք է փակել:Ինչ եղել է անցյալու, անցել գնացել է, հիմա մենք լավ ենք ՝ մոր, դստեր ու եղբոր պես:Այն օրերը անցել, գնացել են: Թող բոլոր սահմաները բաց լինեն, մարդիկ էլ աղունիկների պես գնան ու գան»:

Իսկ, ահա, Սաքարիայի համալսարանը պատրաստում է գիտական 12 հատորանի զեկույց ընդեմ հայոց ցեղասպանության պնդումներին,- գրում է «kentselhaber»-ը: Շուրջ 10 000 էջանոց աշխատանքը ամբողջությամբ պատրաստ կլինի 2011 թ. մայիս ամսին: Աշխատանքները իրականացվում են 33 պռոֆեսորի, 14 դոցենտի եւ 47 տարբեր ուղղության մասնագետների կողմից: 54 ենթավերնագրերե պարունակող ժողովածույուն թուրք եղծարարները  ներկայացրել են հայոց պատմությունը, հայ ժողովրցի ծագումնաբանությունը, հայկական հարցին եւ յալն:  Այս եղծարարության մեջ տեղ են գտել նաեւ այնպիսի ենթավերնագրեր, ինչպիսիք են «Հայկական ապստամբուևթյունները», «Հայաստանում թուրքական տեղանուննե», « հայ-թուրքական երաժշտական առնչություններ», «Թուրքերեն լեզվում հայկական բառեր», « հայատառ թրքերենը թուրքական աղբյուրներում», եւ այլն:

«Զաման» թերթը գրում է, որ  արպեսզի հայ-թուրքական հարաբերությունները ընթացքի մեջ մտնեն պետք է պաշտոնական Երեւանը քայլեր ձեռնարկի:

Մեկ այլ լրատու՝ «haberler» գործակալությունն անդրադառձել է Ադրբեջանի Արտգործնախարար Էլմար Մեմեդյարովին, որի բնորոշմամբ  ընդունված  որոշումները Հարավային Կովկասնում չեն կարող  ծառայել խաղաղության ու կայունության ամրապնդմանը: