Թուրք-Իսրաելյան հարաբերությունների վատթարացման հարցում  հանրապետության նախագահ Շիմոն Փերեսը շրջադարձ կատարեց:  Նրա անմիջական ցանկությամբ Իսրայելի արտգործնախարարությունը պաշտոնական նամակ ուղարկեց Թուրքիային, որով եւ կառավարությունը ներողություն էր խնդրում Թուրքիայից` կատարված միջադեպի կապակցությամբ: 

Ինչպես հայտնի է, հարաբերությունները սրվել էին այն ժամանակ, երբ Իսրայելի  փոխարտգործնախարարը թուրքական հեռուստաընկերությամբ ցուցադրվող «հակաիսրայելական» սերիալի քննարկման համար հրավիրել էր Թուրքիայի դեսպանին:  Դանի Այալոնը դեսպանի ընդունելությունը չէր կազմակերպել հավուր պատշաճի, ավելին, նա դեսպանին սպասեցնել էր տվել, հետո նոր ընդունել, ապա նստեցրել իրենից ցածր աթոռին:

Այս միջադեպը պատճառ էր դարձել երկու երկների հարաբերություններում լուրջ խնդիրների առաջացմանը:

Ըստ Իսրայելի  «Կանալ 10» հեռուստաընկերության արտգործնախարարի կողմից պատրաստած  նամակը  ուղարկվել է Թուրքիա:

Այս որոշումը իրականացրել են հանրախպետության նախագահ Շիմոն Փերեսը վարչապետ Բենյամին Նեթանյահույի հետ միասին: Միունույն ժամանակ Բենյամին Նեթանյահուն հայտարարել է, որ այդ ամենն արվել է առաջացած առկա խնդիրը վերացնելու հույսով: Արտգործնախարարության նամակը պարունակում է հետեւյալ բովանդակությունը.

«Մեր հարգանքն ենք հղում Ձեզ եւ ողջ թուրք ժողովրդին: Չնայած  մի շարք  հարցերում մենք ունենք  միմյանցից տարբերվող տեսակետներ, այնուամենայնիվ, Ձեզ վստահեցնում ենք, որ այդ ամենը հարկավոր է լուծել  բաց,  երկկողմանի եւ հարգանքի վրա հիմնված դիվանագիտական հարաբերությունների միջոցով:

Երբեւէ նպատակ չեմ ունեցել Ձեզ նվաստացնելու: Ես ներողություն եմ խդրում իմ արարքի եւ երեւույթի նմանօրինակ ընկալման համար: Խնդրում եմ այս ամենը փոխանցեք նաեւ հարգարժան թուրք ժողովրդին»:

Նախօրեին, միջադեպի հետ կապված հայտարարությամբ հանդես էր եկել նաեւ փոխարտգործնախարար Դաննի Այալոնը, խոստանալով ապագայում կիրառել «ավելի ընդունեիլ դիվանագիտական միջոցներ»: