Ջորջ Վաշինգտոնի անվան համալասարանում կազմակերպված «Հայաստան-Թուրքիա համաձայնագիր. իրականություն եւ առասպել»  խորագրով սեմինարը  մեծ աղմուկ բարձրացրեց Թուրքիայում: Արդեն մի քանի օր Թուրքական լրատվամիջոցները շարունակում են անդրադառնալ սեմինարին ներկայացված Պատմական Հայաստանի քարտեզին, որտեղ  ներկայիս Թուրքիայի մեծ մասը  մտնում է  Պատմական Հայաստանի սահմանների մեջ:

Քննարկումները չեն սահմանափակվել միայն քարտեզի շուրջ:   Այն  կազմակերպված էր հատկապես կնքված  համաձայնագրերի իրավական մասի վերաբերյալ քննարկումներ կատարելու համար, սակայն թուրքական դիվանագետը, քանի որ քարտեզի առկայությանը խիստ զգացական   վերաբերվեց, սեմինարը  ստացավ բոլորովին այլ բնույթ:

Մասնակիցներից ֆրանսիայում ապրող հայազգի պռոֆեսորն արտահայտվեց հետեւյալ կերպ. «Բավական է ապրել  մեղավորությունն ու  իրավազրկության զկացողությունը սերնդեսերունդ փոխանցելով: Երկու երկրների միջեւ առկա խնդիրները լուծելու նպատակով հարկավոր է ստեղծել անկողմնակալ իրավական հանձնաժողով»: Կատերինե Քեսեջյանը անդրադառնալով  Հայաստանի եւ Թուրքիայի միջեւ առկա հարցերին,  շեշտեց, որ այդ հարցերը շատ են եւ դրանցից մեկն էլ  Օսմանյան շրջանում հայերի կրած նյութական վնասներն են  .«Կարծում ենք, որ մինչեւ ցեղասպանության հարյուրամյակը բոլոր հարցերը կարելի է լուծել»:

Պռոֆեսորն անդրադառնալով ցեղասպանությանը շեշտեց, որ այն պատմական իրողություն է, եւ ոչ ոք այն չի կարող դնել կասկածի տակ, իսկ Քեսեջյանը, հավելեց. 

«Ցեղասպանության արդարությունը պետք է վերականգնել»: