Գլխավոր էջ
» 2010 » Ապրիլ » 18 » ԹՈՒՐՔԻԱՅՈՒՄ ՀԱՅՈՑ ԼԵԶՎԻ ՄԱՍՆԱԳԵՏՆԵՐԻ ԿԱՐԻՔ Է ԶԳԱՑՎՈՒՄ
03:03
ԹՈՒՐՔԻԱՅՈՒՄ ՀԱՅՈՑ ԼԵԶՎԻ ՄԱՍՆԱԳԵՏՆԵՐԻ ԿԱՐԻՔ Է ԶԳԱՑՎՈՒՄ
Թուրքական
«milliyet» թերթի փոխանցմամաբ, Թուրքիայի Բարձրագույն կրթության հանձնաժողովի գործադիր խորհրդի անդամ, դոկտոր, պրոֆեսոր Դուրմուշ Գյունայը հայտնել է, որ Անկարայի համալսարանից ստացված հայոց լեզվի դասավանդման ծրագրի հարցը քննարկվել է և ընդունվել Բարձրագույն կրթության հանձնաժողովում: Նա
նաեւ ավելացրել է, որ աշխատանքներ են տարվում այդ ծրագրով առաջիկա տարում դասավանդումը սկսելու ուղղությամբ:
Հայոց
լեզվի դասավանդման հարցը պետական մակարդակով քանիցս բարձրացվել է Թուրքիայում: Դեռեւս
2008 թ. Թուրքիայի կրթական արտոնագրերի բարձրագույն հանձնաժողովը Նեւշեհիր քաղաքի համալսարանին տվել էր հայոց լեզվի եւ գրականության բաժին բացելու արտոնագիր: Թուրքական կողմի բնորոշմամբ հայոց լեզվի եւ գրականության բաժնի ստեղծումը ոչ միայն կնպաստի երկու ժողովուրդների հարաբերությունների բարելավմանը, այլեւ թույլ կտա պատրաստել տարբեր բնագավառների համար անհրաժեշտ կադրեր: Թուրքիայի համար Հայոց լեզվի ֆակուլտետի բացումը վիճահարույց հարց է, ինչպես նաև ժամանակ պահանջող նախագիծ: Շատ
մտավորականների կարծիքով Թուրքիայում արդեն վաղուց նման ֆակուլտետներ պետք է լինեին: 2009թ. բարձրագույն կրթական հանձնաժողովը Կայսերի նահանգի Էրսիյես համալսարանին շնորհեց Հայոց լեզվի և գրականաթյան ֆակուլտետ բացելու իրավունք։
Գյունայի փոխանցմամբ, Թուրքիայում, տարբեր պետական հաստատություններից հայերենին տիրապետող կադրերի պահանջ է ստացվել: Հայտնելով, որ Թուրքիայում շատ քիչ մարդ է հայերենին տիրապետում, եւ այդ իսկ պատճառով մասնագետների պահանջ կա. «Այլևս փոխվել է համալսարանական այն ընկալումը, որ կար սրանից 20-30 տարի առաջ: Տեղի է ունենում համաշխարհայնացման գործընթաց: Այդ համատեքստում ունենք այնպիսի մարդկանց պոտենցիալի կարիք, որոնք կրթություն ստացած կլինեն բոլոր լեզուներով: Մենք քննություն ենք ընդունել նաև արտասահմանյան երկրների հպատակություն ունեցող ուսանողներից: Ցանկանում ենք Թուրքիայի համալսարանները բացել ողջ աշխարհի առջև: Հետևաբար` կա բոլոր լեզուներով կրթություն ստացած մարդկանց պոտենցիալի կարիք,- ասել է Գյունայը, ապա ընդգծել, որ Թուրքիայի Բարձրագույն կրթության հանձնաժողովն էլ, համալսարաններից ստացված պահանջները քննարկելով, որոշում է նոր ծրագրեր ընդգրկել-չընդգրկելու հարցը: Անկարայի համալսարանից ստացված հայոց լեզվի դասավանդման ծրագրի հարցը քննարկվել և ընդունվել է Բարձրագույն կրթության հանձնաժողովում: Նախատեսվում է այդ ծրագրով առաջիկա տարվա մեջ սկսել հայոց լեզվի դասավանդում: