Ընդամենը մի քանի տարի առաջ՝
2007 թ. նորոգված եւ այժմ մշակույթի նախարարության սեփականատիրության ներքո
գտնվող Աղթամարի Ս. Խաչ եկեղեցու վերաբերյալ ծայր առան բազմաբնույթ քննարկումներ,
որոնք շարունակ պտտվում էին մեկ հարցի շուրջ. Խաչ տեղադրելու են, թե ոչ: Թուրքական
իշխանությունները մերթ հաստատում էին, մերթ ժխտում, դրանով կարծես թե խաղալով հայ
ժողովրդի զգացմունքների եւ այն սուրբ ավանդույթների հետ, որոնք հայությունը
փափագում է, գրեթե ամեն մի պատեհ առիթով: Խաչի ու զանգի տեղադրումը թուրքական
կողմը սկսեց զննել դիվանագիտական ամենալուրջ ու նրբագույն կտրվածքներով, Էլ ինչ
մեկնաբանություն ու վերլուծություններ ասես, որ չարեցին…
Քանիցս Թուրքիայի Հայոց
պատրիարքարանը դիմում է ուղղել նախարարին՝ եկեղեցում խաչ տեղադրելու
խնդիր-պահանջով, սակայն մերժվել: Վերջին նամակին ընդառաջ գնալով Խորհուրդը այս անգամ
որոշել է Սեպտեմբերի 12-ի համար նախատեսված արարողության ընթացքում տեղադրել Մեսրոպ
Պատրիարքի կողմից նվիրված խաչը, որը, ինչպես փոխանցում է Հյուրիյեթ թերթը,
պահվում էր պատրիարքարանի թանգարանում:
