Հայոց պատմական Ծոփք նահանգի մաս կազմող Դերսիմը գտնվում է Վանա լճից հյուսիս-արեւմուտք, հյուսիսից` Երզնկան հարավից` Խարբերդը արեւելքից` Բինգյոլ-Մուշը եւ արեւմուտքից` Սեբաստիան: Երեք կողմից շրջապատված է Եփրատ գետով:
Հայկական բազմաթիվ աղբյուրների համաձայն` Դերսիմի հյուսիսում` պատմական Եկեղյաց գավառում էին գտնվում հայոց հեթանոսական կրոնի` Արամազդի, Անահիտի ու Միհրի մեհյանները: Շրջանը քեմալական իշխանության օրոք վերանվանվեց
Թունչելի:
Պատմական Դերսիմը բաժանված էր երկու
մասի` Դաշտային եւ Լեռնային: Դաշտային Դերսիմն ընդգրկում էր հայ քուրդ եւ ղզլբաշ բնակչություն ունեցող Դերջանի ու Չարսանճագի գավառները, իսկ Լեռնային Դերսիմը` Խութաց Ձորն ու Տուժիկ Պապա լեռը ըստ Խորենացու` Առյուծ լեռը: /տե՛ս Վահագն Գարագաշյանի «Դերսիմը եը հայերը հոդվածը»/
Թուրքական
աղբյուրները գրում են, որ այս ոչ մեծ
շրջանում մինչ օրս պահպանվում են 107 եկեղեցիներ եւ 50 վանքեր: Չնայած այս
երկրամասը հայկական թագավորների եւ արքայատոհմերի հովանու ներքո է գտնվել բավական
երկար ժամանակ, այնուամենայնիվ, այն երբեք չի դարձել զուտ հայաբնակ տարածք:
Կ.Պոլսո Հայոց
պատրիարքության կողմից կատարված հաշվումների համաձայն Դերսիմի շրջանում,
առաքելական եկեղեցու ծուխն ունեցել է 16,657 անձ /հայ/:
Դերսիմցիները ուխտագնացությունների համար այցելել են հայկական եկեղեցիները: Նրանց գլխավոր ուխտատեղին է Հալվորի Սուրբ Կարապետ եկեղեցին:
Օտարազգի պատմաբանները հաստատում են, որ 17-րդ դարից սկսած Բինգյոլի, Սեբաստիայի, Երզնկայի ու Խարբերդի շրջաններում ապրող հայերը, չդիմանալով օսմանյան թուրքերի ճնշումներին, հաստատվում էին Դերսիմում եւ կրոնափոխվելով` ընդունում ղզլբաշություն:Դաշտային Դերսիմում կային 100-ից ավելի հայ-ղզլբաշ խառն գյուղեր, որոնց թվի մասին պատմական հստակ տեղեկություններ չկան:
Դաշտային Դերսիմի կամ Չարսանճաքի հայության թիվը գնահատվում էր 40 հազար, /Գ. Երեւանյան, «Պատմություն Չարսանճագի հայոց/:
Ուրեմն կարելի է մոտավոր հաշվարկներով եզրակացնել, որ Դերսիմի ,Դաշտային եւ Լեռնային, հայ բնակչության թիվը 50-75 հազար էր:
Հայոց Ցեղասպանության օրերին դերսիմցիք մասնակից չդարձան հայերի դեմ ջարդերին, ինչը արեցին սուննի իսլամ քրդերը: Դերսիմցիք իրենց գյուղերում ապաստան տվին ջարդերից ճողոպրած 30-40 հազար հայերի:
Այսօր Թուրքիայում ապրող իսլամացած հայերի խնդիրը մի կարեւոր մասն է կազմում էթնիկ ինքնության լուսաբանումը:
Գաղտնիք չէ, որ գոյություն ունեն իսլամացած
հայեր, որոնք ընդունել են իսլամ՝ այսպիսով ապահովելով իրենց գոյությունը:
Մահմեդականացված, սակայն, իրենց ազգային ինքնությունը չկորցրած, իրենց հայկական
արմատներին վերադառնալ ցանկացող հայության մի մեծ զանգված այսօր ապրում է Թուրքիայում, ավելի կոնկրետ կարելի է
ասել, որ Դերսիմում: Հայերին ջարդերից փրկել եւ ապաստան են տվել Դերսիմցիները,
ովքեր դավանանքով ալեւիներ, իսկ ազգային պատականելությամբ իրենց համարում են
առանձին ժողովուրդ՝ յուրօրինակ մշակույթվ ու հավատալիքներով: Դերսիմցիների հավատքը
կարելի է ասել հավաքական, որովհետեւ այն իր մեջ պարփակում է բոլոր հավատքներից,
կրոններից, աղանդներից ու ուղղություններից տարրեր:
Այսպիսով, 1915թ. Հայոց Ցեղասպանության տարիներին, իրոք, բազմաթիվ հայեր (տարբեր տվյալներով` 20-50 հազար) ապաստան են գտել Դերսիմի ալեւիների մոտ: «Թուրքիայի դերսիմցի ալեւիների հետ մեր անձնական շփումների արդյունքում տեղեկացել ենք, որ, օրինակ, մինչեւ այսօր էլ նրանց շրջանում տարածված է մի դարձվածանման միտք` ՙՄեր տան հայը՚, որը կարելի է ընդունել իբրեւ հայերին իրենց տներում ապաստան տալու ուղղակի վկայություն եւ հիշողություն» /Տես Ռուբեն ՄելքոնյանԻ
հոդվածը/:
Հայության մի փոքրիկ հատված կարողացավ խույս տալ ջարդերից, սակայն ապարդյուն. 1938թ. թուրքական պետությունը կազմակերպեց կոտորած Դերսիմում եւ թուրքական բանակի թիվ մեկ թիրախը 1915-ին այնտեղ ապաստան գտած հայերն էին: «1915-ին կիսատ թողածը շարունակեցին 1938-ին, եւ այդ կոտորածի ժամանակ սպանվեցին բավական մեծ թվով կրոնափոխ հայեր» /տես նույն տեղում/:
Դերսիմի ալեւի հայերը իրոք կան, գոյություն ունեն,
նրանք, ի տարբերություն համշենահայերի, ունեն ազգային հզոր ինքնագիտակցություն, արմատներին
վերադառնալու մեծ ուժ ու պատրաստակամություն: Այսօր բազմաթիվ դերսիմցիներ փորձ են
անում պաշտոնապես վերադառնալ իրենց արմատներին: Այս ամենի մասին է վկայում նաեւ
alevilerbirligi կայքի առկայությունը, որը մանրամասն, տուն առ տուն, եկեղեցի առ
եկեղեցի գրում ու պարզաբանում է այն իրավիճակը, որն առկա էր Օսմանյան
կայսրությունում, մինչ 1915թ., եւ թե ինչ ճակատագիր ունեցան մեր վանքերն ու
եկեղեցիները մեծ կոտորածից հետո: Այս կայքում արեւմտահայությանն վերաբերող
նյութերի մատուցումն ու գիտական հենքը պարզապես ապշեցնում է ընթերցողներին: Այստեղ
ուզում եմ մեջբերել Հրանտ Դինքի թեւավոր խոսքերն ու ավարտել ասելիքս . «Եթե մի օր Թուրքիան քանդվի, ապա դա կլինի ոչ թե զենքի միջոցով, այլ ինքնության խնդրի» :
В Абхазии есть армянские деревня по названии: "ДЕРСИМ", "СИНОП" в Гагринскмо районе. Ранше я низнала, откуда эти нозвание? После прочитаннойю мною на вверху Ваши исторические сообщении,мне стало ясно-ОТКУДА ТАКИЕ НАЗВАНИЕ ДЕРЕВЕН В ДОЛЁКОЙ АБХАЗИИ.Спосибо большое,я и дальше буду большим интерессом читать.Спосибо.