Ինչպես փոխանցում է թուրքական «Հյուրիյեթ« թերթը, պատրիարք Մեսրոպ Երկրորդի հիվանդություն պատճառով  հայկական համայնքի ազդեցիկ հոգեւոր ներկայացուցիչ,  Թուրքիայի հայերի Հոգևոր խորհրդի նախագահ Արամ Աթեշյանը հայտնել է, որ ինքը ոչ մի պաշտոնական գրություն չի ստացել Աղթամար կղզում գտնվող Սուրբ խաչ եկեղեցում տարին մեկ անգամ պատարագ մատուցելու թույլտվության մասին:

«Ես «Սուրբ Խաչ» եկեղեցոմ կատարվելիքո ծիսական արարողությունների  վերաբերյալ չեմ ընդունում որեւէ միջամտություն՝ կապված պատարգների տեւողության եւ մասնակիցների թվաքանակի ընտրության հարցում: Եթե իմ առջեւ դրվում է նմանօրինակ սահմանափակումներ եւ պատարագ չեմ մատուիցի»,- ասել է Աթեշյանը, ապա շարուանակել հետեւյալ կերպ. «Չի կարելի ասել, թե ժամանակը լրացավ, կամ թե, եկեղեցի մտնող մասնակիցների թիվը կրացավ: Այս վայրը հայության համար կարևոր է: Արարողությանը մասնակցելու նպատակով աշխարհի չորս ծագերից  հազարավոր մարդիկ կգան: Մի՞թե կարելի է ասել մարդկանց՝  քվոտան լրացավ եղբա՛յրս, դու չե՛ս կարող՝ կղզի բարձրանալ: Կամ, եկեղեցում պատարագամատույցի ընթացքում, մի՞թե կարելի է ասել «Ժամանակը լրացավ, այլևս վերջ տվեք արարողությանը»: Պատկերացրեք, այժմ արդեն Վանում գտնվող հյուրանոցներում տեղ չի մնացել: Այդ մարդիկ այստեղ գալիս են ոչ  որպես զբոսաշրջիկ, այլ, պատարագին մասնակցելու նպատակով: Մենք ուզում ենք սեպտեմբերի 12-ը, այսինքն` Սուրբ խաչը նշել ժողովրդական խաղերի և երգչախմբերի հետ մեկտեղ: Մենք, Երևանի, Երուսաղեմի և Բեյրութի գլխավորությամբ, աշխարհի չորս կողմերից ներկայացուցիչներ ենք հրավիրելու»:

Բացի այդ, Աթեշյանն ավելցարեց նաեւ, որ իրենք պահանջել են եկեղեցու վրա գրել «Սուրբ խաչ»  անունը և տեղադրել Պոլսո հայոց պատրիարք Մեսրոպ Երկրորդի՝ եկեղեցուն նվիրաբերած խաչը, որը ներկայումս գտնվում է թանգարանում. «Դա մեր ամենաբնական իրավունքն է: Մեր պատրիարքի կողմից ուղարկված խաչը սպասում է թանգարանում: Այնպես են Աղթամար եկեղեցի կոչում, կարծես եկեղեցին անուն չունի: Մենք պահանջում ենք, որպեսզի եկեղեցու անունը գրվի, և խաչը տեղադրվի», հավելել է Թուրքիայի հայերի Հոգևոր խորհրդի նախագահ Արամ Աթեշյանը: